Cari yang lucu lagi ?

Google
ketik kata yg lucu disini

Ads by Google

Senin, 12 Mei 2008

Cerita lucu Orang Manado

Abe mo bli kendaraan baru

Suatu hari si Abe dari Tomohon (Mahasiswa dari Manado ), pigi koliah di
jakarta .
Orang bilang dia ba kuliah di UI.
Kong tiap hari de pe tamang-tamang, pulang pigi kampus pake oto deng
motor pribadi, mar kasiang si Abe cuma ba jalang kaki.

Kong dia so nyanda tahan, kong dia pi ba telphone pa de pe papa di Tomohon.

Abe (lapor) : "Pa, napa kita pe tamang-tamang pi di kampus ada bawa
kuda, si Sam bawa panther, si Olan bawa kijang, kong si Utuk bawa bebek,
no kita dang ??????????".

Papa (jawab) : "kasiang sekali ngana do'e nanti papa kirim akang babi jo
vor ngana di sana

Abe : ???????????? ????????? ???


OPA MAKANG PUJI

Opa makang puji bernostalgia mengenai tempo doeloe pa anak-anak muda yang ada nongkrong di LEPUT.
Opa : "Opa tempo.., nona-nona ja baku rampas akang...!
Anak2 nongkrong : "Oh ya...!"
Opa : "Oh iyo...! Opa ley nya ja mundur...5 nona Opa RAMBANG kwa....!"
Anak2 nongkrong : "Wah...wah.. .hebat Opa...!

Baru 15 menit Opa pulang ka rumah...kage- kage Opa so kaluar ulang deng speda,...pake golpi andalan...rambu licing bla sei angka bok...

Anak2 nongkrong : "Opa...mo kamana...?
Opa : "Mo mandarat dulu...pa tanta Lingkan!
Anak2 nongkrong : "Gila....!"

Nyanda talalu lama Opa so babale deng muka maskena...

Anak2 nongkrong : "Bagimana Opa...dapa jo...???!!!
Opa : "TAKIKIS CA'...!!!"


Baku piara


KEKE: "utu tempo apa dang ngana mo kaweng pa kita, so malo kita orang lia lia so baku tinggal deng ngana? Bulan oktober jo neh"
UTU: "oh... nimbole no! soalnya kita ada banya urusan di kantor kalo bulan oktober"
KEKE: "kalo bagitu bulan november jo dang?"
UTU: "adoh... kasiang jo pa ngana... November kita mo ada pelantikan nae pangkat"
KEKE: "Oh kalo bagitu bulan desember jo neh biar rame"
UTU: "Desember kua talalu rame karna hari Natal, sabar jo... Nanti Januari taon datang"
KEKE: "oh.. jangan Januari bahaya... ngana mo geger otak"
UTU: "Dari mana ngana tau, tukang ramal so ngana?"
KEKE: "kita bukang tukang ramal... maar kalo so bulan Januari kita mo beking picah deng botol ngana pe kapala...!"
UTU: "

Om Alo pang minum


Om Alo lantaran so mulai sadar kalu depe kebiasaan minum lama-lama mo beking cilaka pa dia, dia pi dokter mo konsultasi

Om Alo : Dok, bagimana kang depe cara spaya kita bole brenti minum?
Dokter : Om Alo ja minum brapa banya so?
Om Alo : Yah ... 1 malam bole abis 10 botol cap tikus dok
Dokter : O mate ... sadiki jo, Om Alo musti se kurang plang-plang itu
Om Alo : Bagimana depe cara dok?
Dokter : Kalo biasanya Om Alo minum 10 botol, coba ini malam se kurang
Om Alo : Io dang dokter, ta coba neh

Om Alo pulang ... dengan kemauan kras mo se kurang depe minum
Amper siang ... kage-kage ada yga batoki dokter pe rumah ... tok tok tok tok
Pas dokter buka pintu, dapa lia kamari ini anak-anak kampung ada angka ni om so tacukur kong pica-pica dara.

Dokter : He? ... ini Om Alo to? ba minum pe karja le kwa ini, ta so bilang se kurang
Om Alo : So lantaran itu kita bagini dok
Dokter : dari kong kyapa?
Om Alo : Biasa dang dok, kalo abis minum kita pulang musti lewat jembatan kacili. Nah ... kalo ta minum 10 botol tu jembatan dapa lia 3, ta pili jembatan tenga ... sampe ruma kita.
Tadi malam ta minum cuma 7 botol, tu jembatan cuma dapa lia 2, ta pili tu di kanan ... yah ini no depe hasil dok.



Napa satu lei

A : Klo ADAM dan HAWA orang Minahasa mungkin manusia nyanda akan jatuh dalam dosa....
B : Qapa bagitu dang?????
A : Paling dorang nyanda tertarik pa tu buah....dorang lebeh tertarik pa tu Ular..
B : !?!?!?!

Adu bagimana eeee?????

TAKIRA CINTA

Nyong deng Polce baku tukar pikiran tentang CINTA

Nyong: "Biar belum ada yang berhasil kita gate maar rasa-rasanya so 3x kita jatuh cinta."
Polce: "Biar ja takikis yang penting so pernah rasa thoh? hhhe.."

Nyong: "2 taong lalu ta dusu-susu pa Norce, ta pe hati so jatung berkali-kali ternyata dia nyanda ada hati reen pakita!"
Polce: "Seperti itu so bukang lagi cinta maar OBSESI"

Nyong: "Setahun lalu kita jatuh hati ulang pa Norma, mati-matian kita dusu padia dan untuk kedua kalinya tape hati so jatung berulang-ulang sampe taplaka dia jo nimau pakita!
Polce: "Ado, tamang…itu komang so talalu ber-NAFSU namanya!"

Nyong: "Akhir-akhir ini kita bakudapa deng Noni, dia pe imut en cute nyanda ada dua, dimana dia pigi kita coba iko tapi herannya setiap kali kita lia padia tape puru rasanya manucu, apakah ini yang namanya CINTA SAMPE MATI?"

Polce: "Waduh Sobat, ini namanya SAKI PURU…tasibu baiko sampe lupa isi tu puru!"

----------

FIRST KISS

Bukang maen Uttu pe hati pe babunga, siapa nyangka dia berhasil dapa gate Meis pe hati. Malam ini klar ba uni film Uttu antar meitua pulang, hati sumringah tak ada duanya, seakan-akan dunia hanya milik berdua

Sepanjang jalan dia mulai melamun, 'Bagimana kalu malam ini ditutup dengan ciuman pertama, tantu mo tasono penuh mimpi."

Sambil bersandar di depan pintu pagar rumah, Uttu coba bapancing tanya, "Yang, rasa hati ini tidak ingin berpisah selamanya, bagimana dengan sebuah ciuman selamat malam?"

Deng gugup Meis coba menjawab, "Aduh, Uttu…zebe deng ajus modapa tau ini!"
Uttu tetap bapaksa alus, "Ayolah, Meis…jang malo-malo kwa, sapa molia di tengah malam bagini?"
"Mohon janganlah Uttu, kita tako jang tatangka basah!"
"Ayolah, sayang…samua so tidor, so nyanda ada orang ba lewat di sini."
"Janganlah.. ., ini terlalu berbahaya!"
"Ayolah…ayolah… kita sungguh sayang kwa pangana…"
"Tidak, tidak dan tidak…, kita lei sayang pangana maar kita nyanda bisa!"
"Kau bisalah, ayolah…ta mohon Meis."
"Tidak, tidak…kita memang nyanda bisa kasiang Uttu."
"Pleeeeese?"

Tau-tau lampu di muka rumah manyala kong Om Wem deng piyama fororo rambu tafuraga kaluar deng suara pe kraaaass, "Meis, kase jo sadiki apa yang dia minta kong capat suruh dia bageser dari tu pagar, kalu nyanda papa yang kaluar pi kase tu slamat malam padia, so tengah malam bagini masih ada tindis trusss tu BEL!

------------ ---

Allo

Oom Allo tukang ba hugel pulang rumah disambut tanta Mince deng manangis.

Tanta Mince : Hu..hu..huuuu. .so lima hari ngana baru pulang hu..hu..hu.. , ngana so nyanda sayang pa kita kang hu..hu..hu.. .?!

Oom Allo : ..sedang orang pe meitua ta sayang.., apalagi ngana...!!!

------------ -

BARDOA

Setiap kali Wempi mo pi skolah Mace so kase pesan "Tole, jang lupa berdoa minta pertolongan Tuhan kalu ada ulangan."

Wempi: "Iyo, ma…rupajo makang nasi, Wempi slalu berdoa 3x sehari kwa"

Pe pulang skolah Wempi pe muka so rupa ada gantong blangan tanah (berat ka bawah)

Mace: "Kiapa, le?"
Wempi: "Maaa, kali ini hasil ulangan dapa 'leher gangsa'

Mace: "Haahhh.., tantu angko nyanda berdoa kang?"

Wempi: "Bagimana mo berdoa, bulung mulai tareen enci Yotje so bilang 'nimbole minta pertolongan sapa-sapa!"

------------ --------- -----

OmKasKus is offline

Gula-gula goro (permen karet)

Jepang : keapa ban bekas dorang buang-buang ?
Utu' : no, kong for apa dan...
Jepang : kalo di jepang, ban bekas maso pabrik for beking kondom kong jual di manado
Utu' : kong kalo kondom bekas di jepang beking apa dan...
Jepang : buang no, for apa dan...
Utu' : kalo di manado, kondom bekas maso pabrik for beking gula-gula goro kong jual di jepang
Jepang : keo'de'..!!!

Bli Paku

Suatu hari, Utu yang ada pastiu-pastiu pa depe majikan karna dapa marah trus, dapa suru pigi di toko bangunan for mo bli paku.
Pe sampe di toko bangunan, Utu ba tanya pa Ko'.

Utu : "Ko',..mo bli paku dang satu kilo".
Ko' : (batanya deng polos2) "Mo bungkus ?"
Utu : (so deng pastiu Utu bajawab)..Nyanda !!....Mo makang sini..!!
Ko : Hah???!!

Tidak ada komentar: